«Бірлік жоқ жерде – тірлік жоқ» деген екен Төле би бабамыз.Береке-бірліктің алмайтын қамалы, бағындырмайтын биігі болмайды. Республика бойынша ең ауқымды қайырымдылық жобалардың бірі – ҚМДБ-ға қарасты «Зекет» қорының «Ел үлесі – пәтерге» жобасы екені анық. Аталмыш жоба өңірлердегі имамдардың, қор өкілдерінің және қайырымды, демеуші,жомарт жандардың арқасында жүзеге асырылады.

Жоба үшін өте қиын жағдайдағы жанұялар сайланады: көпбалалы, мүгедектер, жесірлер... Кей кезде бұның бәрі бір отбасыда кездеседі… Қайырыңыз 100 теңге секілді ұсақ тиын болса да, бұл игі іс үшін үлкен салым және жәрдеміңіз болады!